Ese koko hari ibiribwa byafasha umugore kugira ububobere mu gitsina ?

Ikibazo cyo kubura ububobere mu mu gitsina ku bagore, ni kimwe mu bibahangayikisha cyane, ariko kandi ngo hari ibiribwa bishobora gutumakugikemura.


Iyo uganiriye n’abagore batandukanye by’umwihariko ku bijyanye n’imigendekere myiza y’imibonano mpuzabitsina , ikiganiro nticyarangira hatavuzwe ku bubobere bwo mu gitsina. Bamwe babazanya icyatuma buba bwinshi , abandi bataka ko ntabwo bagira, cyangwa se ubwo bafite budahagije .

Mu nama bamwe bagira abandi , bababwira kujya kwa muganga , kurya ibiribwa cyangwa kunywa ibinyobwa runaka .

‘Igitoki , imboga rwatsi, ishyushyu, ubushera ,imbuto […]byongera ububobere ’
Mukayiranga Dancille(izina twarihinduye ) ni umwe mu bagore baganiriye na IGIHE , yemeza ko yagiriwe inama yo kurya bimwe mu biribwa byavuzwe haruguru , ubwo yari yarabuze ububobere.

Ati ‘ Naganiriye n’abagore bagenzi banjye bangira inama yo kujya ndya igitoki kirimo ubunyobwa n’intoryi, nkarenzaho ishyushyu . Ubu mfite ubobere buhagije , ariko mbere nari narumye ku buryo umugabo yanyegeraga akababara.’



Uwamahoro Caritas, nawe ngo yarafite ikibazo cyo kutagira ububobere. Yagize ati ‘ Ikibazo natangiye ku kigira maze kubyara umwana wa mbere. Naganiriye n’abandi bagore bangira inama yo kujya kwa muganga, nagiyeyo bampa imiti ntiyagira icyo imarira , ariko nkajya ndya n’isombe nkanywa n’ubushera kuko bari barambwiye ko bizamfasha kugira ububobere. Ubu ndabufite nta kibazo .’

‘Hari ibiribwa bishobora gutuma mu gitsina habobera , ariko si byose

’Muganga Dr Mugisha Steven inzobere mu bijyanye n’imyanya ndangagitsina, ukorera mu bitaro bya CHUK ,mu kiganiro yagiranye na Igihe dukesha iyi nkuru, yavuze ko kubura ububobere bwo mu gitsina biterwa no kugabanuka k’umusemburo witwa Ostrogene mu mubiri . Ibiribwa bikungahaye kuri Vitamine E, bikaba bifasha umubiri gukora uyu musemburo .

Yagize ati ‘Indyo zikungahaye kuri vitamine E, zifasha umubiri mu ikorwa ry’umusemburo wa Ostrogene utuma bwa bubobere buboneka mu gitsina. Ariko kandi biba byiza iyo umugore ufite icyo kibazo yegereye muganga w’abagore, kuko iyo tumenye icyateye icyo kibazo , bidufasha no kumuvura agakira.’

Dr Mugisha yavuze ko ibiribwa bikungahaye kuri Vitamine E , birimo soya, ubunyombwa, Pomme , imboga rwatsi , ingano , sesame, ibihaza, amafi n’ibindi bitandukanye bishobora gutuma mu gitsina cy’umugore habobera.Tutibagiwe kunywa amazi , gukora imyitozo ngororamubiri , nabyo ngo bifasha mu mikorere myiza y’imitsi ijyana amaraso mu gitsina, bityo bwa bubobere bukaboneka.

Ni iki gitera kubura ububobere bwo mu gitsina ?

Dr Mugisha, avuga ko abagore bageze mu gihe cyo gucura , hamwe n’abagore bamaze igihe gito babyaye , bari mu bakunze kwibasirwa no kubura ububobere mu gitsina.

Ati ‘ Gukoresha ama ‘produit chimique’mu gitsina, indwara zitandukanye zirimo kanseri, indwara zandurira mu myanya ndangagitsina n’izindi biri mu bituma umusemburo wa Ostrogene ugabanuka cyangwa ugashira burundu , bityo gasanga umugure afite ikibazo cyo kumagara mu gitsina.’

Agira inama abagore yo kujya bagana abaganga b’inzobere(Gynécologue)igihe cyose bafite ikibazo cyo kubura ububobere mu gistina.



Chief Editor

Writer and Editor at IwacuMag.

Yisangize abandi:

Ibitekerezo byatanzwe:

Chief Editor

Chief Editor

Writer and Editor at IwacuMag.