Uburyo 10 imibonano mpuzabitsina ihindura imitekerereze n’uruhu rw’umuntu

Mu gihe bisanzwe bizwi ko gukora imibonano mpuzabitsina ari igikorwa kiba hagati y’abashakanye mu buryo bwemewe hagamijwe kwibaruka bakagura umuryango, ku rundi ruhande, abantu benshi bakunda guterwa impungenge n’ingaruka zayo.





Abashakashatsi bagaragaje ko gukora imibonano mpuzabitsina ku bagabo birwanya ubukonje bwa hato na hato mu mubiri wabo kandi bikanarinda indwara y’ibicurane.

Si ibyo gusa kuko ngo gukora imibonano mpuzabitsina bituma umubiri w’umuntu ugira ubwirinzi bw’icyorezo cy’indwara y’umutima ku kigero cya 45% ndetse bifasha mu kugabanya umuvuduko w’amaraso ukunze kwibasira abatari bake.

Ikindi wamenya gitangaje ni uko ngo iyo imibonano mpuzabitsina ikozwe neza kandi ku gihe bituma hatabaho kwibagirwa kwa hato na hato kuko ibasha gukangura ibice bigize ubwonko bifite akamaro ku kubika amakuru n’ibikora mu buryo bwo guhwitura.

Abashakashatsi bagaragaza ko gukora imibonano mpuzabitsina bigabanya umunaniro kandi bigatuma umuntu abasha gusinzira neza. Ibi hamwe n’ibindi bigera ku icumi ni bimwe mu byo bagaragaza nk’uburyo imibonano mpuzabitsina ifite uruhare rukomeye mu mibereho myiza ya muntu.

1. Ubudahangarwa bw’umubiri

Nk’uko bitangazwa n’abashakashatsi bo muri Kaminuza ya Wilkes muri Leta ya Pennsylvania, ngo gukora imibonano mpuzabitsina inshuro imwe cyangwa ebyiri mu cyumweru byongera ubwirinzi bw’umubiri w’umuntu ku kigero cya 30%.



2. Ituma umutima utera neza

Abashakashatsi batandukanye bo mu bigo byo mu Bwongereza batangaje ko abagabo bageze ku myaka 50 babasha gutera akabariro nibura inshuro ebyiri ku munsi, baba bafite amahirwe agera kuri 45% yo guhangana n’indwara y’umutima.

3. Igabanya umuvuduko w’amaraso

Ubushakashatsi bwakorewe muri kaminuza iherereye muri Leta ya Michigan, bwemeje ko abagore bafite imyaka iri hagati ya 57 na 85 baba bagifite ubushake bwo gukora imibonano mpuzabitsina, ngo ntibakunze kwibasirwa n’indwara y’umuvuduko w’amaraso.

4. Igabanya ububabare mu mubiri

Abashakashatsi bo muri Kaminuza ya Munster mu Budage, bemeza ko ku bakunze kugaragarwaho n’uburibwe bwa hato na hato, iyo bamaze gukora imibonano mpuzabitsina bugabanyuka ku kigero cya 60% batifashishije ubundi buvuzi.

Ku bakunze kurwara umutwe udusanzwe ufata mu gahanga imbere ugabanyuka ho 37% nyuma yo gukora imibonano mpuzabitsina nta bundi buvuzi bifashishije. Bakomeje bavuga ko uko ushatse gukora imibonano mpuzabitsina bituma habaho irekurwa ry’imisemburo ituma umubiri umererwa neza kandi ikirukana n’uburibwe izwi ku izina rya ‘endorphines’.

5. Irinda kanseri y’udusabo tw’intanga

Nk’uko bitangazwa n’abashakashatsi bo mu Kigo cy’Igihugu cyita ku ndwara ya Kanseri muri Maryland, abagabo babasha gusohora nibura inshuro 12 mu kwezi baba bafite ubudahangarwa mu kwandura Kanseri y’udusabo tw’intanga ku kigero cya 1/3, kurusha abasohora inshuro enye kugera kuri zirindwi mu gihe cy’ukwezi.



6. Isinziriza neza

Gukora imibonano mpuzabitsina bituma habaho iremwa ry’uruvange rw’imisemburo mu bwonko irimo nka ‘oxytocin’ na ‘prolactin’. Uruvange rwayo ruzana umutuzo no kuruhuka neza bituma ubwonko bukora neza.

7. Igabanya umunaniro

Ubushakashatsi bwakorewe muri Kaminuza ya Paisley yo muri Ecosse/Scotland, bwagaragaje ko umuntu umaze gukora imibonano mpuzabitsina mu gahe gato mbere y’uko ajya kuvugira mu ruhame, aba nk’udafite ikibazo mu mitemberere y’amaraso mu mubiri bitandukanye n’utigeze abikora.

8. Gukora kwihuse k’ubwonko bwibutsa

Abashakashatsi bo muri kaminuza ya McGill yo muri Canada basanze gukora imibonano mpuzabitsina ku bagore bituma babasha kwibuka cyane kandi vuba. Ikindi kandi ngo baba babasha kwibuka ibyo mwaganiriye byose ijambo ku ijambo bitewe n’iki gikorwa.

9. Ubuzima bw’igihe kirekire

Abashakashatsi bo muri Kaminuza ya ‘Bristol na Belfast’ zo mu Bwongereza, bemeje ko abagabo batera akabariro inshuro nyinshi baba bafite amahirwe yo kubaho igihe kirekire kurenza abatajya babibonera akanya.

Mu myaka 10 ishize, abagabo bakabakaba hafi 1,000 bafite imyaka iri hagati ya 45 na 59, batakaje ubuzima bazize gudaha agaciro umumaro uturuka ku gukora imibonano mpuzabitsina.

10. Bituma wigirira icyizere aho uri hose

Abanyeshuri bo muri Kaminuza ya Cornell mu Mujyi wa New York, bavuze ko uretse no kuba imibonano mpuzabitsina ifite inyungu zigaragara ku mubiri, ni uburyo bwiza bwo guhindura imibereho ya muntu mu mitekerereze binatuma kandi abasha gutanga umwanzuro uhamye.





Niba wifuza kumenya inkuru zishyushye, udushya, n’ibindi bintu byagufasha mu buzima buzanzwe, Kanda hano ugere kuri Page yacu ya Facebook ujye ubigezwaho buri munsi. Uzajya unahasoma inkuru ndende z’urukundo, ijambo ry’Imana, n’ibindi byinshi… Ntucikwe, KANDA HANO!!!

Chief Editor

Writer and Editor at IwacuMag.

Yisangize abandi:

Ibitekerezo byatanzwe:

Chief Editor

Chief Editor

Writer and Editor at IwacuMag.