Abagore 10 ba mbere binjije amafaranga menshi mu muziki muri 2017

 Umuririmbyi Beyonce Knowles uherutse kwibaruka impanga yaje ku isonga mu bagore bakomeye ku Isi basaruye amafaranga menshi mu muziki mu mwaka wa 2017, yaje imbere y’abahanzi bacuruza cyane Taylor Swift na Adele.






Ikinyamakuru Forbes ari nacyo kizobereye mu gukora intonde z’abanyamafaranga mu ngeri zinyuranye, cyatangaje ko amafaranga menshi Beyonce yabonye uyu mwaka yayavanye mu gucuruza album ’ Lemonade’ hakiyongeraho ibitaramo yakoze azenguruka Isi bya ‘Formation Tour’.

Mu mezi cumi n’abiri ashize Beyonce yasaruye amadolari miliyoni 105[miliyoni 79.31 pounds]. Uretse umuziki ngo hari ubucuruzi yakoze bw’imyenda[abicishije mu nzu yashinze ye bwite ya Ivy Park Fashion] bubyara amafaranga bityo bityo ahigika abagore bose.

Umwongerezakazi Adele yaje ku mwanya wa kabiri na miliyoni 69 z’amadolari. Igiteranyo kinini cy’amafaranga yabonye yayavanye muri album ye ‘25’ iri mu zacurujwe cyane mu mwaka wa 2015 ndetse kugeza n’ubu aracyayikamamo amafaranga atagira ingano. Ibitaramo yakoze nabyo byaramwinjirije hakiyongeraho ibikorwa byo kwamamaza n’ibindi.

Taylor Swift yari uwa mbere mu mwaka wa 2016 aho yari yinjije miliyoni 170 z’amadolari. Uyu mwaka wa 2017 urangiye yinjije miliyoni 44 ku bw’ibitaramo yakoze bya ‘1989 world tour’. Mu mezi make ari imbere uyu mukobwa azabona amafaranga menshi ahanini kubera album nshya yise ‘Reputation’ ndetse hari n’urugendo rw’ibitaramo azakora.





Abagore icumi ba mbere binjije akayabo mu muziki uyu mwaka:

1. Beyonce: Miliyoni $105 
2. Adele: Miliyoni $69 
3. Taylor Swift: Miliyoni $44 
4. Celine Dion: Miliyoni $42 
5. Jennifer Lopez: Miliyoni $38
6. Dolly Parton: Miliyoni $37 
7. Rihanna:Miliyoni $36 
8. Britney Spears: Miliyoni $34 
9. Katy Perry : Miliyoni $33
10. Barbra Streisand: Miliyoni $30






Kurikira inkuru zishyushye, udushya, urwenya, amafoto atangaje, inkuru z’urukundo, ubujyanama n’ibindi bintu byagufasha mu buzima buzanzwe kuri Page yacu ya Facebook ujye ubigezwaho buri munsi. Uzajya unahasoma inkuru ndende z’urukundo, ijambo ry’Imana, n’ibindi byinshi… Ntucikwe, KANDA HANO!!!

Ushobora no kudukurikira kuri Instagram ukajya ubona amafoto n’amavidewo bisekeje utasanga ahandi, KANDA HANO ugere kuri paji yacu ya Instagram, ukande Follow ubundi twiryohereze.


Chief Editor

Writer and Editor at IwacuMag.

Yisangize abandi:

Ibitekerezo byatanzwe:

Chief Editor

Chief Editor

Writer and Editor at IwacuMag.